Rihkhawdar Ah Bengali Minung 4 An Tlaih Hna
TCP-Thantlang| 2019 July 1| India-Myanmar pehtlaihnak hmun a si mi Rihkhawdar khua ah phungning lo in a lut mi Bengali miphun 4 cu July 1 ah an tlaih hna tiah kan theih.
Rihkhawdar sangthen No.1 biakinn kam in lampi lei ah a raklut mi motor 5M/****Hiace phun cu sangthen No.2 dawr kam ah dir ter in palek le tuanvo ngeitu hna nih chekhlatnak tuah hnu ah U Maung Suan Khai nih khalh mi motor le motor hnuzul U Kap Khanh King @Peter King hna i an motor cung ah phungning lo Bengali miphun pali, pa 3 le nu 1 cu a tubantuk in an tlaih hna hi a si.
Mah pali cu kum19 in 21 tluk minung an si. Mah hna cu Rakhine ram in Bangladesh ram ralzam dirhmun in, India ram Silchar, Mizo ram Aizawl in Zokhawthar lei a ra mi an si i a tubantuk in Rihkhawdar ah tlaih an ton hi a si.
Phungning lo in Kawlram chungah a lutmi Bengali minung 4, motor khaltu le hnuzul cu (pah)9/2019 Lah-wa-kah upadi poh-mah 13 (1)/13 (5)in dantat le tazacuai dingin an tawlrel lio hna a si tiah kan theih.
(Ref:iprd Rihkhawdar)
About The Author
