Rihkhawdar Ah Mipi Uknak Kan Dirh Lai: CNF
The Chinland Post | 2023 November 23 — Chin ramkulh, Falam peng, Rihkhawdar khua ah mipi uknak kan dirh lai tiah CNF nih an thanh.
Myanmar-India ramri ah a um mi Rihkhawdar khua um ralkap sakhaan 2 cu November 13 ah CNA, CDF-Zaniatram, PDA-Tedim, CDF-Thantlang le CDF-Hualngoram hna nih an lak caah khua ning in an lak khawh.
Rihkhawdar khua hi Myanmar-India chawlehnak lam ah a um caah mipi himnak, hmunhma daihnak le zauk phung lennak hna a herh tiah an langhter.
Cucaah CNF le HPO (Hualngoram Peoples Organization) nih mipi himnak, hmunhma daihnak le No. 2 India-Myanmar ramri chawlehnak a tlamtlin khawh nakhnga khuami hna nih an dirh mi Rihkhawdar mipi uknak cu kan tawlrel ṭi lai tiah CNF nih a thanh.
Kahdohnak ruang ah a zaam mi pawl him tein an rak kir khawh nak, hmunhma pek ṭhannak le hmunhma zohfelnak cu mipi ṭanṭinak he CNF le HPO nih kan tawlrel cang tiah an langhter.
Kahdohnak ruang ah a zaam mi, hliam a tuar mi hriamtlai pawl le mipi harnak vialte tawlrelnak ah a kan bawmtu India cozah, Mizoram mipi, zatlang phu hna cung ah kan i lawm tuk tiah CNF nih an thanh.
About The Author
