Kalay Peng, Yangyiaung Khua Ralkap Sakhaan Dothlennak Phu Pawl Nih An Lak
The Chinland Post | 2023 November 23 — Kalay khua thlanglei, Yangyiaung khua ah a um mi ralkap sakhaan cu tuni zinglei ah dothlennak phu pawl nih an lak tiah theih a si.
Thazang 30 hrawng nih hmunhma an khuarnak cu sakhaan cu dothlennak phu lei hliamhma a tuar mi um lo tein an lak khawh tiah People’s Spring nih a langhter.
Sakhaan lak kahdohnak chung in ralkap ruak 5 an lak, 2 a nung in an tlaih hna i hriam le kuanzen tampi zong an lak tiah tiah Dothlennak phu lei nih People’s Spring ah an chim.
“Vanlawng a rat hlan ah sakhaan kan lak manh. Ruak 5 kan char. Ralkap 2 a nung in kan tlaih hna. Adang an zaam dih. A zaam mi zong kan dawi i kan kah hna. Meithal pawl zong kan lak khawh” tiah a chim.
Sakhaan lak kahdohnak chung ah Kalay pengkomh PDF, CDF-KKG, PDO le adang dothlennak phu pawl an i tel tiah theih a si.
Yangyiaung khua sakhaan hi a biapi ngai mi sakhaan lak khawh mi a si caah Kalaymyo thlanglei hi ralkap uknak in an luat cang tiah an chim fawn.
Cun Kalay le Gangaw karlak ah ralkap sakhaan 3 a um mi chung in Yangyiaung hi pakhat aa tel ve i atu ahcun Kha-yan khua ralkap sakhaan le Company ralkap sakhaan 2 lawng a tang cang tiah an chim.
About The Author
