Rohingya Ralzaam Caankarlak An I Dor Chung Nikhat Ah Ngakchia 60 Tluk An Hrin Hna
TCP-Thantlang| 2018 May 19| Bangladesh ram chungah a ummi Rohingya ralzaam hna cu caankarlak an i dor chungah nu hna nih nihkhat ah ngakchia 60 tluk an hrin peng hna tiah UNICEF fianternak an tuah.
Kan hnu kum Rakhine ramchung buainak a umnak ruangah a zaammi Rohingya miphun cu thla khat chungah ralzaam umnak hmun ah ngakchia a chuakmi hi 16,000 leng an si i hi chungah ngakchia 3000 hrawng lawng tha tein sii-ai thlopbulnak in a chuakmi an si. Nikhat chungah buaktlak in ngakchia 60 hrawng an chuak tiah ruah damh khawh a si.
Hi chungah tlaihhremnak le a dangdang ruangah nau a pawimi zong an i tel. Cun Kawlram chung in nau a pawicia cangmi hna zong ralzaam hmunhma an phak in aa thlopbul ngam lo mi hna zong an um kho. Cu hna cu mi bawmchantu phu nih an kawl hawl lio hna a si tiah UNICEF riantuantu pakhat nih a chim.
Atu lio Bangladesh ram chungah a um mi Rohingya ralzaam chung in nu naupawi mi minung 40,000 renglo an um rih i hi chungah a phunphun in tlaihhrem mi hna zong an i tel kho rih. Kawlram chung an um lio ah ramchung mi nih hi hna pawl hi an tlaihhrem ti a si ve ah cun upadi ning in dantat an si ve lai nak kong zong UNICEF nih theihternak an tuah chih.
Ref: RFA
About The Author
