SAC Helicopter nih Timit kiangkap pehzulh in voi tampi a kah
The Chinland Post | 2022 November 21 – Chin ramkulh, Hakha khua, Timit kiangkap le Lungkhar tlang thluan pawngkam cu SAC Helicopter nih November 21 chun sml 12:00pm hrawng thok in pehzulh in a kah i bom zong voi tampi a thlak.
November 21 zinglei ah SAC Helicopter a rak phan i cu tlawmpal ah Hakhua khua a hel hnu in kahdoh hram a thok.
A kah lio mit in a hmu mi pakhat nih” Hakha khua a hel, cun aa tim i Timit le Lungkhar tlang thluan a kah. Cuticun voi 6 hrawng bom in a kah hna i Helicopter cung i aa tel mi Machine Gun zong nih a kah hna” tiah Tha Chinland Post ah a chim.
A luan cia November 15-20 tiang zong ah Falam peng, Tibual khua SAC ralkap sakhaan cu CNDF phufonh nih an kah hna i SAC nih kahdohnak vanlawng le Helicopter hmang in voi tampi a kah.
About The Author
