SAC Hruaitu Cheukhat An Thlen Ṭhan Hna
Salai Mangpau | September 26, 2023 — SAC lutlai hruaitu L.t General Moe Myint Tun le L.t General Soe Htut cu an rianṭuannak in dinhter a si. Anmah aiawh ah General Maung Maung Aye le L.t General Nyo Saw rianpek an si tiah September 25 ah SAC buzik Min Aung Hlaing minsenthutnak in cathanh an chuah.
SAC hruaitu chungtel pahnih a si mi L.T Moe Myint Tun hi Defence Services Academy (DSA) in 1989 kum 30th intake chuak a si. Amah cu U.S. Department of the Treasury nih February 22, 2021 kum le Council of the European Union zong nih March 22, 2021 kum ah Sanctions an rak tuah cang.
Minister Home of affairs L.t General Soe Htut cu Officers Training School, Bahtoo, 64th intake chuak ralbawi a si i, September zarhhnihnak lio ah eihmurnak kong he pehtlai in tlaih a rak tong. Soe Htut a pa hi ralbawi hlun Brigadier General Lun Maung a si.
SAC hruaitu ah ralkap ralbawi 9 an I tel. Atu ralbawi 2 aiawh ah Chief of General Staff (Army, Navy and Air) General Maung Maung Aye le SAC buzik Min Aung Hlaing ruahnak petu L.t Nyo Saw rian an pek hna.
August thla chung ah SAC ralbawi Thlennak
SAC bawizik Min Aung Hlaing nih August thlachung ah SAC lutlai ralbawi 22 thlennak a rak tuah cang.
SAC bawizik nih August thla zarhdihnak lei ah Tilawng ralkap bawibik General Moe Aung cu a dinh ter i amah a changtu Lieutenant General Zwe Win Myint cu ti lei ralkap bawibik a ṭuan ter.
SAC nih uknak a lak hlan deuh ah Tilawng ralkap bawibik cu General Tin Aung San a rak si. SAC uknak a lak hnu 2021 February 3 ni ah Min Aung Hlaing nih General Tin Aung San cu a rian in a dinhter. Amah aiawh ah General Moe Aung Ko a tuan ter.
General Mon Aung Ko hi SAC tilei ralbawi bik a ṭuan kum 2 hnu ah rian dinh ter a tong i amah aiawh ah Lieutenant Zwe Win Myint a tuanter ṭhan.
Lieutenant General Zwe Win Myint cu atu tilawng ralkap bawibik a tuanter. General Mon Aung Ko ngeih mi UAB bank cazin an check lio. Atu ralbawi thlennak an tuah hi kan hnu thla hrawng ah a si cang. Thawngpang a chuah lo caah theih a si lo. SAC nih thawngthanhnak a tuah mi SAC central committee lio ah an min a rak um lo. Cun atu hi General Moe Aung Ko cu zeibantuk rian a pek ti theih a si rih lo tiah Ayeyarwaddy Times nih a rak chim.
General Moe Aung Ko hi hlan ralkap bawizik Senior General Than Shwe chan lio USDP party lutlai bawi U Aung Taung fapa lak ah upa cem a si. UAB bank hi a nau pa U Nay Aung dirh mi a si.
Naypitaw In Auh A Tong Mi Lieutenant General Htey Za Kyaw
Lieutenant General Htey Za Kyaw hi hlan ah Pathien hrambumh South-Western Commander a si. NLD mipi cozah chan lio ah Northern Commander a ṭuan. Eihmurnak kong buainak a ngeih ruang ah South Western Commander General Htey Za Kyaw cu Northern Commander ah rian an pek.
Mah hnu ah Min Aung Hlaing nih Lieutenant General rian sang a pek. No. 1. Bureau of Special Operations Command lutlai (ကစထ-၁ မှူး) rian an tlaih ter. Amah nih cun Myint Kyi Na hrambunh Northern Command, Monywa hrambunh North Western command, Mandalay hrambunh Central Command tiah Command 3 lutlai a si. Mah rian hi Min Aung Hlaing nih a zumh bik mi ralbawi thim in a pek mi rian a si. Nihin Kahdohnak a zualcem mi Kachin, Sagaing, Mandalay, Magwe le Chin ram pawl kahdohnak ah nawl ngei bik tu No. 1 Bureau of Special Operations Command a si.
July thla Northern Commander Major General Ko Ko Maung te phu tlaih lio ah a zumh cem mi Lieutenant General Htey Za Kyaw cu tlaihchih a rak tong ve.
Thlakhat a ruah hnu ah No. 6 Bureau of Special Operations Command ကစထ – ၆ lutlai ah rian pek than a si. Atu rian hi Naypitaw Command pakhat lawng a uk lai i, Naypitaw runvennak ah a biapi tuk mi hmun a si.
Regional Military Commands Ralbawi 4 Thlennak
SAC uknak a lak hnu ah Bureau of Special Operations ကစထမှူး an thlen ṭhan hna.
- 1 Bureau of Special Operations ကစထ – ၁ မှူး ah Central Commander Major General Ko Ko Oo cu Lieutenant General rian an kai ter i, No. 1 Bureau of Special Operation Commander rian pek a si caah Central Command ah Pathein peng hrambunh Southwestern Commander Major General Kyi Khaing an ṭuan ter. Southwestern Commander ah Naypitaw Commander Major General Wai Lin tuan ter a si.
SAC Mawyawaddy tilawng ralkap camp ralbawi telh in 60 cu ralvennak an kal lio ah SAC an chuah tak I a tli mi an tam tiah minthang mi, Dawei hrambunh Coastal Commander Major General Saw Tan Hlaing cu Naypitaw Commander ah a mah umnak ah Bahthu ralkap training sianguk cu rian pek a si.
“Atu bantuk in rianṭhial mi ralbawi, tlaih a tong mi rawlbawi pawl zoh tik ah Min Aung Hlaing nih a kuttang rianṭuan ralbawi pawl a zumh ti hna lo ruang ah a si ko” tiah CDM Captain pakhat nih Ayeyarwaddy Times ah a chim.
Photo/ Credit/ BMC/- L.t Moe Myint Tun le Soe Htut thleng an si hnu ah General Maung Maung Aye le L.t General Saw Nyo kong chimlio hmanthlak
About The Author
