SAC Infantry 1 in ralkap pakhat CDM a tuah
![](https://i0.wp.com/thechinlandpost.info/wp-content/uploads/2022/10/PDF-Pekon-sin-ah-CDM-a-tuahmi_2022-Oct-23.jpg?fit=640%2C852&ssl=1)
The Chinland Post | 2022 October 24 – SAC Infantry 1 in ralkap pakhat CDM a tuah tiah PDF-Pekon Battalion 2 nih October 23 ah a thanh.
CDM a rak tuahmi ralkap hi Moebye hrambunh LIB 422, Moebye tidil ah rian an khinh mi a si i a rianṭuannak hmun in a rak zaam hi a si tiah an thanh.
“October 22 zaan ah a rak zaam, hriam cu aa rak put lo, amah himnak hnga a sikhawhnak in a rak zaam, biahalnak kan tuah lio a si” tiah Kareni biahalnak phu nih People’s Spring ah an chim.
October 17 zongah Brigade 66 kuttang Infantry 14 in SAC ralkap 2 PDF-Pekon Battalion 2 sin ah CDM an rak tuah tiah theih a si.