July 25, 2024

SAC kuttang Gyayan mipi ralkap nih ralkap caah an tlaih mi hngakchia telh in Ta’ang miphun 127 TNLA nih a khamh hna

0

The Chinland Post | 2023 February 7 — Shan ram chung ah SAC kuttang Gyayan mipi ralkap nih ralkap ṭuan ding in an tlaih mi hngakchia telh in Ta’ang miphun 127 cu TNLA nih a khamh hna tiah TNLA nih a thanh.

Ta’ang ram, Brigade 6 hmunhma, Gyayan khuate ah a um mi SAC kuttang mipi ralkap phu nih an tlaih mi Ta’ang miphun 127 an khamh hna, February 4 zinglei sml 4:00am hrawng ah Gyayan mipi ralkap nih an tlaih mi hna Ta’ang miphun kum 8 in kum 17 kar hngakchia 20 le kum 18 in kum 65 kar 107 cu TNLA nih khamh hna.

Cu chung ah pa 112, nu 15 an i tel i TNLA Brigade 7 nih thazang 500 leng hmang in an doh hna caah mah zah minung an khamh khawh hna hi a si.

An khamh hna lio ah SAC kahdohnak vanlawng in bom lung 30 nak tlawm lo a thlak hnawh hna i Gyayan khuate pawng zong ah SAC ralkap nih hriamngan le hriamhme he an kah hna tiah theih a si.

About The Author

Na ruahning rak langhter ve.. (Leave a comment)