June 20, 2024

SAC Nih Mi Tam-U Hman Mi VPN Pawl A Hrawh

0

The Chinland Post | 2024 May 31 — Internet hman a ngahnak hmunhma pawl ah mi tam-u hman mi VPN pawl danh (ခံ) in Facebook le Messager hman khawh lo nakhnga SAC nih a tuah tiah theih a si.

May 30 thawk in Facebook, Messenger pawl kha mi tam-u hman mi vpn pawl danh (ခံ) in hman khawh a si ti lo.

“May 30 thawk in 1.1.1.1 VPN siseh, Psiphon si seh, Turbo vpn sieh, Super vpn hna tiah mi tam-u hman mi vpn pawl hman khawh a si ti lo. Uninstall tuah i install tuah ṭhan zong ah a ngah ti lo. Vpn aa danh (ခံ) khawh lo cun Facebook le Messenger zong hman khawh a si lo” tiah mipi pakhat nih The Chinland Post ah a chim.

Fiber wifi a hmang mi pawl nih Fiber Company seh a rawh ruang ah a si rua tiah an chawnh hna nain VPN an hrawh ruang a si kha an rak chimh ṭhan hna.

SAC nih mi tam-u hman mi VPN pawl hrawk ding in a karlak ah a hrawk khotu Great Firewall ser ding in a luancia February thla thawk in Tuluk lei Company pawl kha a sawm hna tiah thawngpang a rak leng bel cang.

Hramhram in uknak lak a si hnu ah Social Platform tampi cu VPN danh hna hnu lawng ah hman khawh a si i atu ahcun mi tam-u nih hman mi vpn pawl zong kha hmang kho lo ding in SAC nih a tuah cang.

About The Author

Na ruahning rak langhter ve.. (Leave a comment)