June 20, 2024

SAC Nih Mindat Khua Hmun pakhat Cu Vanlei In Voi 3 Kahdohnak A Tuah

0

The Chinland Post | 2024 May 22 — Chin ramkulh, Mindat peng hmunhma pakhat cu nihin ah SAC nih vanlei in kahdohnak voi 3 a tuah tiah Mindat peng mipi uknak phu ṭuanvo ngeitu Ko Yaw Man nih Khonumthung Burmese ah a chim.

May 22 chun sml 11:55am hrawng thawk in 12:10pm tiang Jet vanlawng in kahdohnak a tuah.

Jet Fighter nih kahdohnak a tuah hnu sml cheu a rauh ah Mindat khua hrambunh LIB 274 nih vanlawng in a kahnak hmunhma pawl cu hriamngan in a kah ve.

Vanlawng kahdohnak ruang ah a rawk mi a um lo nain hriamngan ruang ah phungki sianginn hlei a rawk.

Mindat khua pawngkam ah Jet vanlawng nih a voikhatnak kahdohnak a tuah lio ah 500lb a rit mi bom a thlak bantuk in rocket le Machine Gun pawl a kah. A voihnihnak vanlawng zong nih 500lb a rit mi bom, point five pawl in kahdohnak a tuah rih tiah theih a si.

April thla in May 2 tiang Mindat peng ah SAC nih vanlei kahdohnak voi 36, hriamngan kahdohnak voi 2 ruang ah hriamtlai 2 le mipi 3 an thi i minung 31 hliam an tuar tiah theih a si.

About The Author

Na ruahning rak langhter ve.. (Leave a comment)