SAC nih Myanmar ram ah sual phun 100 leng a buar

The Chinland Post | 2022 May 24 – SAC nih Myanmar ram pumpi a luancia zarh 1 chungah innkhangh, tlaihkhih le thahnawnnak telh in sualnak phun 110 bak te a buar tiah NUG Ministty of Home Affairs and Social Affairs nih a thanh.

SAC phu nih a luancia 2021 February 1 thok in atu tiang ah hramhram in thahnak, khua ning in khanghpiaknak hna a tuah.

Ministry of Home Affairs le Social Affairs thanhnak ahcun a luancia May 15-21 tiang SAC nih peng kip le pengkomh kip ah a buarmi sualnak pawl a langhtermi chungah Sagaing ramṭhen hi khua ning piin khanghpiaknak hmun 54 telh in hramhram thahnak 10, mei in khanghnak 4, tlaihkhihnak 3 in 64% a tambik a si.

Cun, Magway ramṭhen le Mandalay ramṭhen ah tlaihkhih, meikhangh, thahnak a tambik an buar tiah a langhter i atu nak in hramhram thiltuahnak a tam deuh kho tiah a langhter.

Myanmar ram ah SAC nih hramhram in uknak a lak kum 1 leng a rau cang i cu chungah ramkhel lei buainak, sipuazi, zatlang nunnak, Ngandamnak lei a lamkip in a ṭumchuk i SAC ralkap pawl le mipi hriamtlai phu pawl, tlangcung hriamtlai phu hna karlak ah kahdohnak a fak.

SAC phu nih mipi cung a buarmi sualnak pawl cu Myanmar ram mipi hna nih an nunnak khamnhnak nawl he an doh hna i kahdohnak thla khat chungah SAC ralkap 13,000 leng an thi i hliamhma a tuarmi 4,280 an si tiah NUG nih a thanh.

Cu cathanh cu 2021 June 1 in 2022 April 25 tiang khawmhmi cazin ah a si.

Na ruahning rak langhter ve.. (Leave a comment)

%d bloggers like this: