SAC nih riankhinhmi Chin ramkulh Minister Pu Ngun San Aung cu a rian in dinhter a si
The Chinland Post | 2022 August 19 – SAC nih Chin ramkulh Chief Minister caah rian rak khinh a simi Pu Ngun San Aung cu Article 419 ning in rian dinhter a si tiah theih a si.
Amah aiawh ah Tedim peng in Ralkap Sibawi Lt. Col. Vungh Suan Thang cu Chin ramkulh Chief Minister caah thim a si.
Chin State Administration Council Chairman ah hin Pu Terrace San Mawi Nikhuai thim a rak si i February 11 ah lungzawtnak in ruahlo piin a thih hnu ah a mah aiawh dingah Pu Siang Mang le Pu Thla Hre an rak len hna nain an al veve hna.
Cuhnu ah Pu Ngun San Aung cu Chin State Administration Council Chairman ah an thimnak kong cu 2021 Febuary 16 zaan ah MRTV nih a langhter.
2020 lio thimnak lei thlangtlatu tuanvo ngei upa pakhat nih “Pu Ngun San Aung cu a upa cang, i a ngan a dam lo caah tin SAC sinah rian dinhnak ca a ṭialmi a si tiah a chimchin mi kan theih.
Lt. Col. Vungh Suan Thang hi Mental Health Specialist a si i Yagon in M.B.B.S, Dip in Psychiatric Medicine (D.P.M), Dip in Medical Education (D.M.E) a dih hnuah National University of Singapore in Master of Medicine Psychiatry Degree a ngahmi a si i All Chin Society-Yangon phu zongah chungtel pakhat a si ve tiah theih a si.
About The Author
