SAC phu nih sualnak ngei lo mipi 2,273 a thah hna, thah ding in biachahmi 126 an um
The Chinland Post | 2022 July 29 – Myanmar ram ah hramhram in uknak lak a si hnu kum 1 le cheu leng caan chungah SAC ralkap nih kah/thah ruangah Myanmar ram pumpi in a nunnak a liammi sualnak ngei lo mipi 2,273 le tlaih a tongmi 15,498 tiang an um cang tiah Assistance Association for Political Prisoners (AAPP) nih a thanh.
Mah cazin hi 2021 February 1 in 2022 September 12 tiang AAPP nih a khawmhsuatmi a si i khawmhsuat khawhmi lengah a thimi an tampi rih lai tiah a langhter.
Pau Dothlennak chung tuni tiang minung 12,355 an hren rih hna i cu chungah minung 1,454 cu thawngthlak ding in nawl chuah an si.
Dothlennak he pehtlai in thah ding tiah biakhiah hnuah hren a simi 84 an um i hriawh in thah ding tiah biakhiah a simi 42 telh in minung 121 cu hriawh in thah ding tiah biakhiah an si caah thah ding tiah biakhiah a simi an zapi te 126 an si cang.
Atutiang ah biakamnak he thlah ṭhan a simi 22 an um i thlah ṭhan a simi 3,112 an um tiah a langhter.
About The Author
