July 25, 2024

SAC Ralkap Bom Ruang Ah Hakha Mipi Inn Pakhat A Rawk, Minung 1 A Nunnak A Liam

0

The Chinland Post | 2024 March 26 — Chin ramkulh, Hakha khua ah SAC ralkap le dothlennak phu karlak ah kahdohnak a chuah hnu in SAC ralkap kah mi bom nih mipi inn pakhat a khen caah a rawk tiah theih a si.

2024 March 25 zaan sml 8:00pm-9:00pm karlak ah Hakha khua, Khuathar sang, BOC pawnghrawng ah kahdohnak a chuak i SAC ralkap nih an kah mi bom ruang ah mipi inn pakhat a rawk i minung 1 zong a nunnak a liam, adang minung 4 an i hliam tiah theih a si.

Kahdohnak chung ah a thi le hliamtuar mi he pehtlai in CDF-Hakha lei nih cathanh an chuah mi a um rih lo.

Atulio Hakha khua ah SAC kuttang zung rianṭuantu pawl nih chungkhar cazin zoh in ralkap tla ding cazin an khawmh caah CDF-Hakha nih atu le atu an kah lengmang hna.

CDF-Hakha lei nih ralkap tla ding cazin an khawmh mi an ngol hlan lo chung cu kan kah lengmang ve hna lai tiah cathanh ah an rak langhter.

About The Author

Na ruahning rak langhter ve.. (Leave a comment)