SAC Ralkap L.T Colonel 1 Le Captain 1 Cu Ralkap Phungning Lo Un An Um Tiah A Sangcem Mi Thong Le Thihdan Pek An Tong
Salai Mangpau | August 29, 2023 — Yangon ramṭhen, Mingaladon ralkap Medical University in Sii lei doctor Captain Ye Yint Shwe cu online in SAC bawizik Min Aung Hlaing thatlonak kong a tarlangh tiah SAC biaceihnak zung nih Thihdan an pek. L.t Colonel Aung Khant zong mipi ralkap sin ah thawng a petu a si tiah thong kum 40 tla ding in dan an tat tiah Mizzima Daily nih a chim.
Ralkap Medical University ah sii lei he pehtlai in Mingaladon Medical Univesity batch 16 chuak Sii lei (M.Med.Sc) a kumhnihnak a cawn lio ah ralkap siibawi Captain Ye Yint Shwe cu Min Aung Hlaing soiselnak kong online ah a post ruang ah ralkap biaceih zung nih August thla ah a sangcem mi thihdan an pek hi a si.
Thihdan pek a tong mi Captain Ye Yint Shwe hi NUG Ministry Health & Education Minister Dr. Zaw Wai Soe he naihniam chungkhat an si ruang ah mah bantuk in a sang cem mi thihdan an pek hi a si ko tiah ralkap lei in thawngpe nih an chim.
Amah bantuk in August thla chung ah Ralkap Medical University batch 4 sianginn chuak L.t Colonel Aung Khant zong mipi ralkap sin ah thawng petu a si tiah lunghrinhnak he ralkap biaceih zung nih thong kum 40 tla ding in nawl an chuah.
SAC ralkap nih hramhram in uknak a lak hnu ah anmah chung in a duh lo tu ralkap tampi an um i, atu lio Myanmar ram buainak le harnak ah SAC lutlai duhlo ruang ah CDM a tuahtu ralkap le SAC chung ah buainak tampi a um, mah le mah lunghrinh ruang ah rianphuah le thongthlak a tong mi ralbawi ngan an tam ngai tiah theih a si.
About The Author
