SAC ralkap le KNU karlak kahdohnak ruangah mipi 130 leng an thi i 300 deng hma an tuar

The Chinland Post | 2022 September 12 – Hramhram in uknak lak a si hnuin KNU le SAC ralkap karlak kahdohnak ruangah mipi 131 an thi i 282 hma an tuar tiah KNU nih langhtermi cazin ah hmuh khawh a si.

Ralkap nih hramhram in uknak a lak caan thla 19 chungah SAC ralkap le KNU ralkap karlak ah kahdohnak voi 6,359 a chuak. Cu kahdohnak chungah KNU ralkap 142 an thi i 329 an i hliam tiah KNU nih a langhter.

Asinain KNU ralkap pawl hmunhma an theih deuh ruang le a thli tein kahdohnak an hman caah SAC ralkap le BGF a thimi an tamtuk tiah KNU nih a thanh.

Cucaah a luancia thla 19 chungah SAC ralkap 5,117 an thi i 4,134 an i hliam tiah KNU cazin ah an langhter.

UN OCHA nih hramhram in uknak lak a si hnuin SAC ralkap le KNU karlak ah a cangmi kahdohnak ruangah mipi 86,800 hrawng nih innlo an zaamtak tiah September 5 ah a rak thanh.

Na ruahning rak langhter ve.. (Leave a comment)

%d bloggers like this: