Hriam he CDM a tuahmi ralkap 2 sing 50 veve laksawng an pek hna

0

The Chinland Post | 2022 September 12 – Sagaing ramṭhen, Budalin peng chungah SAC ralkap 2 cu hriamtling he CDM an tuah caah September 10 zinglei ah sing 50 veve laksawng an pek hna tiah theih a si.

Budalin khua hmunhma pakhat ah laksawng an pek hna i PDF phu tampi le NUG kuttang budalin peng PDF pawl an i tel kho tiah theih a si.

SAC battalion 370 in kum 19 lawng a si rihmi ralkap 2 hriam he CDM an tuah hi a si.

CDM a tuahmi pahnih nih MA-1 zuun 1, MA-2 zuun 1, kuan 400 leng, Grenade 5, le bomrap pakhat an rak i put khawh tiah theih a si.

Ralkap pahnih hna an himnak caah an min le an number an langhter rih lo tiah theih a si.

CDM a tuahmi ralkap 2 hi Ye-U, Tabayin peng hna ah kahdohnak an tuahmi an si i an duh lo buin in an bawile nih fial ruangah mipi inn hna an rak khangh. PDF pawl he an i kap i atu bantuk in mipi he i doh lengmang kha an duh ti lo caah a i zuam lengmang i CDM an tuah tiah theih a si.

About The Author

Na ruahning rak langhter ve.. (Leave a comment)

%d bloggers like this: