SAC Ralkap Mai-li Sakhaan TNLA Nih An Lak Chap Ṭhan
The Chinland Post | 2023 October 30 — Shan ram chaklei, Hsenwi peng ah, Operation 1027 min in SAC ralkap Mai-li sakhaan pakhat cu October 29 zaanlei ah Ta’ang National Liberation Army (TNLA) nih an kah i sakhaan an lak beh tiah an thanh.
October 29 zaan sml 8:00pm hrawng ah SAC ralkap sakhaan an lak hi a si i kahdohnak chung ah SAC ralkap meithal zuun 14, Pistol zuun 1, Grenade 10, 40MM bom lung 12, kuan pawl le kahdohnak thilri pawl an lak khawh tiah theih a si.
Cubantuk in October 30 zinglei sml 4:15am hrawng ah Lashio peng ah a um mi Mai-kyat ralkap sakhaan cu TNLA nih an kah i an hrawh dih tiah theih a si.
Cun October 30 zinglei sml 5:30am hrawng ah Shan ram chaklei, Kutkai le Nan-phet-ka karlak ah a um mi Nan-khai SAC ralkap gate cu unau hawikom phu (MNDAA, AA, TNLA) nih an kah hna caah kahdohnak a fah lio a si tiah theih a si.
About The Author
