SAC ralkap nih an khanghnak Thayagon khuami hna an kir ngam rih lo
The Chinland Post | 2022 August 25 – Thlanglei Kalay, Gangaw-Kalay lam cungah a ummi SAC ralkap nih an khanghnak Thayagon khuami hna cu an zaamnak in a kir cangmi an um ko nain a tam deuh cu an kir ngam rih lo tiah theih a si.
Thayagon khuami zapi cu August thla thok hrawngah a cangmi SAC ralkap le mipi hriamtlai phu karlak kahdohnak ruangah innlo an zaamtak dih i khuami cheukhat cu an umnak hmun an kir cang tiah khuami pakhat nih Khonumthung Burmese ah a chim.
“Khua a kirmi hi cheuthum cheukhat an um. Chungkhar ning in a kirmi cu an tlawm. Khanghpiak a simi inn pawl cu a tlamtlinnak in ruahkhamnak (Muka) he an um. Inn sak zong cu a fawi lo, atu a kirmi hi cu an tlawm” tiah Thayagon khuami nih a chim.
Kalay Technology University pawngah a ummi Tayagon khua ah SAC ralkap le mipi hriamtlai phu karlak ah August tha thok hrawngah kahdohnak a chuak i SAC ralkap nih mipi inn 51 an rak khangh.
Tayagon khua i inn dawng 312 in minung 1,665 an umnak a si i Chin miphun tampi khua an saknak a si.
About The Author
