June 20, 2024

SAC Ralkap Nih Byaingtaw Khuami 76 An Thah Cang

0

The Chinland Post | 2024 June 4 — Rakhine ram, Sittwe khua, Byaing-pyu khuami 76 cu SAC ralkap le a hawikom pawl nih an thah cang hna tiah AA nih June 4 ah a thanh.

SAC ralkap, ALP chungtel cheukhat SAC sin in ralkap training a dih mi hna nih an thah hna hi a si tiah a langhter.

May 29 mipi an thah hna hi a si i  ni 4 chung ah minung 50 leng an thah hna tiah thawngpang theih a si nain June 4 ahcun a thi mi 76 an phan tiah AA nih a thanh.

Byaing-phyu khua hi minung a thong in khua an saknak a si i May 29 ah SAC ralkap le a hawikom phu pawl nih khuachung lut in mipi pawl an tlaih hna i an thah hna hi a si tiah theih a si.

Cuka hmunhma ah hmunhma zohfelnak kan tuah cu a hman nain minung cu kan that hna lo tiah SAC lei nih cun an chim.

Byaing-phu khuami thahnawnnak ah ALP chungtel zong an i tel timi kong he pehtlai in ALP lei zong nih kan i tel lo tiah an al ve.

May 29 thawk in SAC ralkap pawl nih Byaing-phyu khuami an thah hna hi a si i May 31 ahcun khuami vialte kha khuachung in an ṭhawl dih hna tiah theih a si. Ṭhawl a tong mi khuami hna cu khua pawngkam phungki sianginn, sianginn pawl hna ah a si thiamnak in an i dor hna caah harnak an tong hringhran tiah an thanh fawn.

About The Author

Na ruahning rak langhter ve.. (Leave a comment)