SAC thiltuah mi ruangah mipi nih a lamkip in ralhrang SAC doh ding in CNO/CNDF nih forhfialnak a tuah
The Chinland Post | 2022 July 27 – Myanmar ram uknak hramhram in a latu ralhrang SAC phu thiltuah cungah tlangcung miphun hna le ramchung ramleng Myanmar rammi hna nih mah le ti khawh nak lamkip cio in ralhrang SAC doh hna u sih tiah CNO/CNDF nih July 26 ah a thanh.
Cun, ramdang phu hna zong nih Democracy phung a len khawh nak hnga mipi lei ṭang in thazang kan pe uh tiah forhfialnak zong a langhter.
U Jimmy, U Phyo Zeya Thaw, U Hla Myo Aung le U Aung Thura Zaw hna SAC nih hramhram in a thahnak hna cungah CNO/CNDF nih atu bantuk in cathanh a chuah hi a si.
Atu bantuk in ralhrang SAC nih thihnak a inter mi hna cungah CNO/CNDF nih fak piin duhlonak kan langhter i anmah pali telh in ram le miphun caah nunnak a peimi zapi te hika hmun in upatnak kan in pek hna tiah a langhter.
About The Author
