SAC Vanlawng Kahnak Le Bomthlaknak Ruang Ah Hsi Hseng Khua Phungki 500 Umnak Sianginn Aa Rawk
The Chinland Post | February 4, 2024 — Shan ram thlanglei Hsi Hseng- ဆီဆိုင်မြို့ khua ah kahdohnak a um ti lo nain February 2 ah SAC vanlawng kahdohnak le hriamngan kah ruwng ah khuachung um Phungki 500 umnak sianginn a rawk dih tiah theih a si.
February 2 ah SAC nih zing Sml 6:00am in chunnitlak hriamngan kahnak le zaanlei ah vanlawng in voi 6 bom a thlak ca ah Mya Kan Thar sang um Za Wa Na Yar Ma phungki sianginn a rawk dih.
Vanlawng bom hi Pound 500 a rit mi a si. Hsi Hseng khua kahnak ah Phungki sianginn 5, Daamarzung 1, cacawnnak inn pi 1 aa rawk, tualchung minung 3 an thi i 5 hliam an tuar tiah theih a si.
Thlanglei kahdohnak cu January 24 ah an thawk i zaanlei caan ah Hsi Hseng peng ah SAC vanlawng nih bom a thlak ruang ah tualchung mipi cheukhat an thi. Hsi Hseng khua palek sakhan PNLA nih an lak tiah theih a si.
Shan ram thlanglei Hsi Hseng ဆီဆိုင်မြို့ kahdohnak cu January 24 ah an rak thawk i January 25 ah peng khuapi cu PNLA le tangti phu ralkap nih an lak.
January 24 zaanlei ah Pa’O ram khualipi Hsi Hseng ဆီဆိုင်မြို့ khuachung kahdohnak a um hnu January 25 ni zaanlei ah Hsi Hseng khua cu PNLA le tangti phu hna nih an lak, atulio Hsi Hseng khua ah PNLA le ṭangṭi phu hna nih hmun an lak dih cang, Hsi Hseng peng ah SAC nih vanlawng in bom a thlak ruang ah tualchung mipi cheukhat an thi. Hsi Hseng khuachung um palek sakhaan cu SAC ralkap le palek nih an chuah tak cang hnu ah PNLA le ṭangti phu hna nih sakhan an rak lak cang.
Hsi Hseng peng chung ah SAC kuttang um PNO nih khatlei, PNLA le tangti bu hna nih phukhat fonh in kahdohnak a um hi a si i January 20 Ho Pung peng, Si Phu khua ah SAC ralkap le an kuttang um PNO bu le PNLA/PNLO kar ah kahdohnak a um hnu ah atu Hsi Hseng khua tiang kahdohnak an tuah hi a si.
PNLA lei thawngthanhnak ahcun January 26 ni ah SAC lei nih Pa’O ram khualipi His Hseng peng le khuate 4 ah Jet fighter le Y 12 nih bom voi 20 in pound 500 rit mi bom 100 leng a thlak ruang ah Pa’O ram um inn le lo tampi a rawk tiah tual chung mi nih an chim.
About The Author
