June 17, 2024

SAC Vanlawng Nih Bom A Thlak Thawng Hakha Khua In Theih A Si

0

The Chinland Post | 2023 April 12 — Chin ramkulh, Hakha khua ah SAC kahdohnak vanlawng pakhat a rak phanh hnu caan tlawmpal ah bomthlak thawng thang taktak in theih a si.

April 12 zaanlei sml 2:30pm hrawng ah SAC kahdohnak vanlawng pakhat Hakha khua a rak phanh hnu in pehzulh in bomthlak thawng voi 2 kan theih tiah khuami nih The Chinland Post ah an chim.

“Tuni sml 2:30pm hrawng ah SAC kahdohnak vanlawng thawng kan theih. Vanlawng cu hmuh khawh a si lo nain, caan tlawmpal ah bom pehzulh in voi 2 a thlak. Chuncung lei kahdohnak hmunhma ah a thlak mi a si men lai” tiah a chim.

Chin ramkulh, Hakha khua ah riahcaw a rak phor mi SAC ralkap tank 2 telh in mawṭaw pawl cu CDF, CNA phufonh nih an kah lengmang hna caah a thi mi an tam tiah theih a si.

About The Author

Na ruahning rak langhter ve.. (Leave a comment)