Sagaing ah PDF sakhaan luh hnawh an tong, hriam le eidin tampi an sung
![](https://i0.wp.com/thechinlandpost.info/wp-content/uploads/2023/04/PDF-sakhaan-luhhnawh-an-tong_2023-April-10.jpg?fit=640%2C427&ssl=1)
The Chinland Post | 2023 April 10 — Sagaing ramṭhen, Sagaing le Wetlet ramri ah a um mi PDF phu le Urban Guerrilla phu sakhaan an luh hnawh hna i hriam le eidin tampi an sung tiah Pyin Oo Lwin PDF nih an thanh.
April 8 zinglei sml 10:00am hrawng ah Pyin Oo Lwin pengkomh Nagani Guerrilla phu le MDY-UG phu sakhaan ah Mi-35 pahnih nih sml cheu leng an kah hnu ah Helicopter cung in ralkap pawl an thlak hna i an rak kah tiah theih a si.
Mipi sizung, siikhaan, sianginn le mipi inn zong a rawk tiah an langhter.
PDF hriamtlai cheukhat zong hliam an tuar tiah theih a si.
SAC nih Helicopter in a kah hnu ah mipi inn 10, siikhaan 1, transformer le ke 3 ngei cycle hna an khangh tiah theih a si.