Saisihchuak Lam Bawinu Hlei Caan Raulo Teah An Donh Cang Lai

Salai Elvis| 2019 July 16| India le Kawlram pehtlaihnak a simi Saisihchuak lam Bawinu hlei donhnak kong he pehtlai in caan rau lo teah tuanchuah ding kong, rian zong an thok colh naklai zumhnak ngeih a sinak kong sakremhnak zung ramkomh vuanci U Han Zaw nih a chim.

July 15 ni ah tuahmi Amyotha Hluttaw avoi 13 caanhman tonpumhnak ah Thantlang peng Hluttaw palai Pu Bawi Khing nih, “India ram Mizoram State le Kawlram pehtlaihnak a simi Saisihchuak lam Bawinu hlei donhnak rian cu India cozah nih tuanvo a lai maw? Asiloah ramkomh Budget in tuah nan tim maw, tim lo? timi biahalnak a tuahmi U Han Zaw nih a tu bantuk in bia lehnak a tuah.

“India le Kawlram pehtlaihnak caah Saisihchuak lam Bawinu hlei donhnak ding cu 2018  March 9 ah lungtlinnak ngeih a si cang. Cu bantuk in 2018 May 9 ah India ram Ambassy lei nih hnatlaknak an kan ngeihpi cang. 2018 February 2-8 Vice President Henry Van Thio zong hlei donhnak ding hmun zohfelnak a ngei. Hlei donhnak hmun 3 zoh a si, cu chung ah BRG P3 hmun cu a tha bik tiah thim a si. Cun India ram Road Research Institute lei le Kawlram lei sakremhnak zung he zong zohfelnak an ngei cang. Cu bantuk in India Ambassy zung tuanvo ngeitu Mr. Vikram Doraiswami he zong 2019 January 7 ni ah tonnak ngeih a sinak. Cu chungah Bawinu hlei donhnak rian cu a tuanh khawh chung in tuanchuah ding kong, caan rau lo teah riantuan zong thok kho ding in zumhnak ngeih a sinak kong. 2019 May 3 sakremhnak zung telh in India Ambassy lutlai H.E Mr. Saurabh Kumar hruainak in tuanvo ngeitu hna hi kongah ton biaruahnak an ngeihnak kong. Hi rian cu pehzulh in zulhdawi peng a sinak kong le hi hlei cu pe 500 tluk hrawng sau in donh a si lai nak kong” U Han Zaw nih bialehnak a tuah.

Leave a Commnet

%d bloggers like this: