Salingyi peng Sahtung khua kahdohnak ah SAC ralkap aa hliam mi an tam, vanlei bawmhnak ruang ah PDF 1 a nunnak a liam
The Chinland Post | 2023 January 17 – Sagaing ramṭhen, Salingyi peng ah SAC ralkap le mipi hriamtlai phufonh hna karlak ah sml 2 leng kahdohnak a chuak i SAC ralkap lei aa hliam mi an tam caah Helicopter nih a rak bawmh hna i PDF 1 a nunnak a liam tiah theih a si.
January 16 zinglei sml 11:00am hrawng ah SAC ralkap 50 hrawng le PDF phufonh pawl cu Chindwin tiva kam, Sahtung khua ah kah dohnak a chuah hi a si.
Kahdohnak chung ah SAC ralkap pawl an sungh deuh caah Mi35 Helicopter nih a rak bawmh hna i min 45 hrawng a kah tiah theih a si.
Vanlei kahdohnak ruang ah PDF 1 a nunnak a liam i mipi 1 fak ngai in aa hliam tiah theih a si.
SAC ralkap pawl cu Black Vote Fighter, Black Shadow, DRPA, Salingyi G-Z PDF, Daung New Generation Kani PDF le adang hawikom phu hna nih an kah hna hi a si.
About The Author
