Salingyi, Wanbao Company ah hmunhma a khuar mi SAC ralkap an kah hna, 2 an thi i PDF 1 a nunnak a liam
The Chinland Post | 2023 February 17 — Sagaing ramṭhen, Salingyi peng, Wanbao Company ah hmunhma a khuar mi SAC ralkap pawl an kah hna i SAC ralkap 2 an thi, PDF 1 a nunnak a liam tiah National Revolution Guard sin in thawng theih a si.
February 13 zinglei sml 9:00am hrawng ah Wanbao Company tual chung ah hmunhma a khuar mi SAC ralkap 15 hrawng cu National Revolution Guard nih an va kah hna lio ah SAC ralkap 2 an thi, kum 21 a si mi PDF hriamtlai Moe Min Htet aa hliam i February 14 zaanlei ah a nunnak a liam tiah theih a si.
Hramhram uknak doh lio le Federal Democracy ram sernak ding caah dothlennak tuah in a nunnak a liam mi hriamtlai Moe Min Htet cu upatnak sang bik kan in pek i atang rih mi dothlennak zong tantak mi na hawile nih kan rak pehzulh rih lai tiah National Revolution Guard phu nih an thanh.