Thantlang kahdohnak ah CDF pahnih an nunnak a liam chap
The Chinland Post | 2023 February 17 — Chin ramkulh, Thantlang khua ah a chuak mi CNA/CDF le SAC ralkap karlak kahdohnak ah CDF hriamtlai 2 nih ram le miphun caah an nunnak an pek tiah zumhtlak mi upa pakhat nih a facebook cahmai ah a tar.
TBC biakinn ah hmunhma a khuar mi SAC ralkap pawl an va luhhnawh hna hnu in CDF hriamtlai Salai Van Bawi Hup le Salai Van Ṭha Bik hna cu an rak chuak ti lo tiah thawng theih a si.
Chin ramkulh, Thantlang khua palek cu CDF/CNA phufonh nih an lak hnu in Thantlang khuachung ah kahdohnak nifatin in a chuak i SAC ralkap le Vanlei kahdohnak atu le atu a tuah tiah thawng theih a si.
About The Author
