Saw Peng Kahdohnak Ah SAC Ralkap 15 Nak Tlawm Lo An Thi
The Chinland Post | 2023 June 22 — Magway ramṭhen, Saw peng ah SAC ralkap mawṭaw thluan bomrap an puah hnawh hna i a thi mi an tam tiah Saw PDF nih an thanh.
Pakokku khua in Kyaukhtu lei ah a kal mi SAC ralkap mawṭaw in thazang 100 hrawng SAC ralkap pawl cu June 21 zaanlei ah Saw peng Angia khuate le Tapin khuate karlak ah an kah hna tiah theih a si.
“Nizaan ah 15 nak tlawm lo an thi tiah an chim. Tapin le Angia khua karlak ah kahdohnak a um. Bonrap kual chung ah an luh sual caah an puah hnawh hna i an mawṭaw 2 zong a rawk” tiah khuami 1 nih People’s Spring ah a chim.
Kahdohnak chung ah Saw peng PDF phufonh pawl nih an tuah mi a si i SAC ralkap pawl hmai fong kho lo in an chim tiah a chim fawn.
SAC ralkap pawl nih Saw peng ah hriamngan an thlah thlorh caah Yuatha khua ah aa dor mi ralzaam 5 le phungki 1 telh in mipi 7 an i hliam i 4 hi cu an hliamhma a fak ngai tiah theih a si.
About The Author
