Tilin Ah SAC Ralkap Bomrap An Puah Hnawh Hna I 5 An Thi
The Chinland Post | 2023 June 23 — Magway ramṭhen, Tilin peng, Thayakha khuate nichuah thlanglei Gyi tiva kam ah SAC ralkap pawl bomrap an puah hnawh hna i 5 an thi tiah YRA – Tilin nih an thanh.
June 21 zinglei sml 8:30pm hrawng ah Tilin peng, Shwehti Hall in thazang 100 hrawng SAC ralkap pawl cu Gangaw pengkomh B15, 16, 17, YRA-Tilin phu nih bomrap voi 3 pehzulh in an puah hnawh hna caah SAC ralkap 5 an thi i 10 leng hliam an tuar caah Tilin khua in PHAW mawṭaw nih a thir hna tiah theih a si.
Bomrap puah hnawh hnu ah a thi mi SAC ralkap le hliam a tuar mi pawl cu Htilin khua in meng 2 aa hlatnak Thayakha khua ah an kalpi hna i Thayat khua in PHAW mawṭaw in an phorh hna tiah YRA – Tilin nih an langhter.
