Saw Peng, Ni 4 Chung Kahdohnak Ah SAC Ralkap 18 An Thi
The Chinland Post | 2023 July 20 — Magway ramṭhen, Gangaw pengkomh, Saw peng ni 4 chung kahdohnak ah SAC lei 18 an thi tiah NUG Ministry of Defense nih a thanh.
July 14 ah Magway ramṭhen, Gangaw pengkomh, Saw peng, Minka tlang, Cingchaung lamṭhen, Nagamauk tlang hna ah a rak kai mi SAC ralkap Brigade 55, Brigade 77, Brigade 101 phufonh in thazang 130 hrawng cu PDF phufonh nih an kah hna caah SAC ralkap 3 an thi i tampi an i hliam.
Cubantuk in July 16 le July 17 hna ah Gangaw pengkomh, Saw peng, Agyitakin khuate ah a rak phan mi SAC ralkap Brigade 55, Brigade 77, Brigade 101 phufonh in thazang 180 hrawng cu PDF phufonh nih an kah ve hna i 15 hrawng an thi tiah theih a si.
Gangaw pengkomh PDF B08, B13, B03, B05, Pakokku pengkomh B05, B19, Magway pengkomh B01 hna le Minbu pengkomh B01, B02, B05 hna bawm in kahdohnak an tuah i mipi hriamtlai lei an him tiah theih a si.
About The Author
