SOF Nih Kum 2 Chung Yangon Ah SAC Ralkap 262 An Thahnak A Thanh
Salai Mangpau | July 21, 2023 — Special Operation Forces (SOF) nih kum 2 chung Yangon khuachung operation ah SAC ralkap 262 an thahnak kong thawngthanhnak a tuah.
Yangon khuahchung operation ah Yangon khua Bagara, Thanlyin hlei, Htiantabintasung, Hliangtayar lam, North Okkalaba hlei, Bahan ralbawi pawl umnak quarter, Insein thonginn bawi umnak telh in SAC check-gate, Thaketa police sakhan, North Okkalaba police sakhan le Hlianhtaryar police sakhan pawl ah hriamngam, hriamhme in kahdohnak an tuahnak kong an chim.
Cun, SAC Ayeyawaddy ramthen, Chief Minister motor rungrual bawh in an kah, Mon ramkulh um police sakhan, SAC tamrual Pyusawhtee gate, ralkap sakhan pawl ah voitampi kahdohnak an tuah khawh.
Khuate lei operation tuahnak cu Phayatungsu peng Phayataung sakhan kahdohnak, Tanpyuzayet peng Taungkalay sakhan kahdohnak, Kyarinnseik peng Taungsone sakhan dohnak le Kawkareik peng Taungkyar inn sakhan dohnak telh in voi 29, drone, hriamngam kahnak 16 kahdohnak an tuah. Khuapi le khuate kahdohnak voi 87 ah ralhrang 262 an thah khawh hna. Hriamngam le hriamhme 54 an lak khawh hlei ah phungning lo rithai sii le laisen lo motor cheukhat kan tlaih/mei kan khangh tiah SOF nih an langhter.
NUG Ministry of Defense, Thlanglei operation hruainak in SOF phu cu July 21 ah kum 2 a tling cang. Tlanglei operation bantuk in Yangon, Ayeyawaddy, Bago le Mon ramkulh ah Piang hlua aung, Nanhtetaung operation cu KNU LID 6 le LID 4 hmun ah KNLA he komh in khuate operation an uan i tiah theih a si.
About The Author
