Seikphyu Peng Ah SAC Ralkap Pawl Bom An Puah Hnawh Hna I 9 An Thi
The Chinland Post | 2023 July 4 — Magway ramṭhen, Seikphyu peng ah SAC ralkap pawl bomrap an puah hnawh hna i 9 an thi tiah Caf-Spupdf nih an thanh.
July 2 zinglei sml 9:00am hrawng ah Seikphyu peng, Yekyaw khua ni chuahlei, Inpinchuangyo hlei pawng ah ke in a rak kai mi SAC ralkap 15 cu bomrap lung 3 phir in an puah hnawh hna caah SAC ralkap 7 a hmun ah an thi, 8 fak ngai in an i hliam i tlangcung in SAC ralkap 5 an rak ṭum chap lio ah PDF phu nih hmanh mi bomrap an i lamh sual caah 2 an thi chap tiah theih a si.
Pakokku pengkomh C 1 le CAF hna bawm in kahdohnak an tuah i mipi hriamtlai phufonh lei an him tein hnu an kir kho tiah theih a si.
About The Author
