Seikpyu Peng Ah A Um Mi Ralkap Hriam Chuahnak Sehzung 21, 22 le B2036 hna Rocket Missile le Hriamngan In An Kah, Ralkap 3 An Thi
The Chinland Post | 2023 June 5 — Magway ramṭhen, Seikpyu peng ah a um mi SAC hriam chuahak sehzung 21, 22 le SAC battalion 2036 hna cu PDF pawl nih Rocket Missile, hriamngan in an kah hna caah SAC chungtel 3 an thi tiah Pakokku pengkomh No. 19 Battalion nih a thanh.
May 24 zinglei sml 3 hrawng ah SAC hriam chuahnak 21 cu Rocket Missile in an kah i Launcher an sernak a khen caah SAC ralkap a thi mi an um tiah an thanh.
Cubantuk in May 27 zaanlei sml 5:00pm hrawng ah Magway ramṭhen, Seikpyu peng, Kansunma khuate hnulei meng 1 hrawng aa hlatnak ah a um mi B2036 in SAC ralkap 10 hrawng cu Pakokku pengkomh No. 19 Battalion, Company 1, 2 nih hriamngan in an kah hna i SAC chungtel 3 an thi tiah theih a si.
Cun May 28 zaan sml 11:00pm hrawng ah Magway ramṭhen, Seikphyu peng ah a um mi SAC hriam chuahnak 22 cu Rocket Missile in an kah i mipi hriamtlai lei him tein an kir kho tiah theih a si.
About The Author
