Shan Ram Chaklei Mabein Khua Kahdohnak A Dih Hnu SAC Ralkap Le Myomah Palek Sakhan Battalion 223 Dirhmun
The Chinland Post | January 27, 2024 — Sagaing ramṭhen, Mandalay ramṭhen le Shan ram chaklei ramri, Mabein khua cu Janaury 21 ah KIA hruai mi mipi ralkap phu hna nih an rak lak.
Kahdohnak a dih hnu khuapi an lak hnu ah mipi ralkap nih khuachung zohfelnak an tuah lio ah SAC lei nih vanlawng in nifatin an kah hna tiah theih a si.
Mabein khua laknak ah SAC lei khuachung hrambunh battalion 224 le Myoma sakhan cu fak ngai in doh a si caah mah hmun 2 cu zohfel thianhhimnak an tuah hnu, January 26 ah Mabein khua durhmun hmanthlak cu BMC news nih a vun langhter.
Shan ram Momeik pawngkam hrawng ah KIA, AA, K-PDF mipi ralkap nih January 20 chunitlak zankhuadei kahdohnak an tuah i SAC lei nih vanlawng in kah a bawmh hna.
January 20 kahdohnak ah Mabein peng Palek Major Zar Ni Maung a thi tiah theih a si.
KIA nih January 21 zing ah Kachin ramkulh Mansi peng ManWon sakhan zong an lak. Kachin ram, Hpakan peng Waikhar sakhan kung zong an lak cang tiah theih a si.
About The Author
