May 21, 2024

Singapore Ram Ah Chinnu Inn Dot 12 Cung In A Zuang I A Thi

0

City Hunter| 2018 February 27| Singapore ram Hougang, Blk476B ah sinum rian a tuanmi Chinnu Lai Nei Kim cu February 26 zingka suimilam 6 hrawng ah inn dot 12 cung in a zuang i a thi.

A thimi Chinnu Lai Nei Kim hi kum 33, Sagaing ramthen Tamu khuapi ah khua a sami a si. Singapore ah sinum riantuan ding in a phaknak le rian a tuannak hi thla 6 tluk lawng a si rih.

A thimi Lai Nei Kim pasal nih, “Hiti bantuk in a thih cu kaa zumh kho lo. A thih hlan nikhat ahkhan video call in kan i chawnbia ko rih. Amah hringtu a nu le a pa zong nih an i zumh kho lo. Zeizong vialte a tlamtling dih ko, chungkhar lei in buainak zong um lo bu in hiti a kan thihtak cu kan ngaihchia tuk. A tuannak rian ngeitu he zong voikhatte hmanh an tlamtlin lonak kong a ka chim bal lo” tiah a chim.

A thimi Lai Nei Kim hi kum 13 le kum 7 tluk a simi fa pahnih a ngeimi a si. Zeiruang ah dah inn dot 12 cung in a zuan? Zei bantuk lungput he dah aa thah? Asiloah mi nih an thlak timi a thihning fiangte in hngalhfian khawh a si rih lo.
Ref: Duwun

About The Author

Na ruahning rak langhter ve.. (Leave a comment)

%d bloggers like this: