Thantlang Baptist Church Nih Minung 2500 nak Tlawmlo Aa Tlum Dingmi Community Hall Sak An Timh

community hall sak an timhnak hmun/Photo: The Chinland Post

Salai Elvis| 2018 February 27| Thantlang Baptist Church (TBC) nih Hai Mang nunziaremhnak hmun ah minung 2,500 nak tlawmlo aa tlum dingmi Community Hall sak an timh tiah thawng kan theih.

Hi samh an timh mi inn pi cu Thantlang khua chung ah mizapi nih zei bantuk caan paoh ah hman khawh ding mi Community Hall a si lai.

โ€œMah Hall kan sak ding mi cu a tung pe 140 le a vaang pe 70 kau in sak kan timh. Budget zong kan suai rih lo. Hi inn sak nak caah TBC Khrihfabu chung in thawhvo kan i tu than te lai. Hmaizarh chung ah a pawngkam lungrual kan thawk colh lai. Mah Hall kan sak ding cu 2019 February thla chung ah dih ding in timhtuah a siโ€ tiah TBC Church Chairman Pu Lawm Bik nih TCP ah a chim.

2019 March thla chung ah CBC Triennial Civuipi zong Thantlang ah an tuah lai i mah Hall zong an hman colh lai tiah theih a si.

community hall sak an timhnak hmun/Photo: The Chinland Post

โ€œThantlang ah Chin Baptist Convention (CBC) Triennial khawmpi 2019 March thla ah tuah ding in timhtuah nak ngeih a si. Khi hlan ah dih kho ding in kan sak lai. Khi tikah khual caah TBC khrihfabu chung in sang 5 le Local Church JMBC le TCBC hna nih khualtlung pawl a chang chang tein rawl pek an i chang te hna laiโ€ tiah Pu Lawm Bik nih cun a chimchap.

Khual tlung zong CBC lei in minung 500 le Thantlang Baptist Khrihfa bu he cun minung 2500 aa pum kho ding in a hranpi cu an suai chung. Thantlang khua chung ah mizapi nih zalong te le herh caan ah Hall hlan ding a um lo caah a tu bantuk in Thantlang Baptist Church nih a um bal rih lo mi Community Hall sak an timh hi a si.+++

Na ruahning rak langhter ve.. (Leave a comment)

%d bloggers like this: