SSPP Le SAC Ralkap Karlak Kahdohnak Ah SAC Ralkap 10 An Thi, 2 A Nung In An Tlaih Hna I Mawṭaw 1 An Lak Khawh
The Chinland Post | 2023 August 7 — Shan ram thlanglei, Laihka peng, August 6 ah a cang mi SSPP le SAC ralkap karlak kahdohnak ah SAC ralkap 10 an thi tiah Shan State Army (SSPP/SSA) nih thawng a thanh.
SAC ralkap pawl an rak luh caah August 6 zinglei in zaanlei tiang kahdohnak a chuak i SSPP ralkap 1 a nunnak a liam, SAC lei 10 nak tlawm lo an thi tiah a langhter.
Kaphnih karlak kahdohnak a chuah hnu ah SAC nih Pinlon-Leihka-Mongnawng lam le Leihka peng ah a um mi Nanting hlei luhnak hna a phih tiah theih a si.
Kaphnih karlak entainak a fah rih caah kahdohnak a chuak kho rih tiah SSPP nih a thanh.
Leihka hmunhma ah a um mi SSPP sakhaan pawl hrawh ding in SAC nih SSPP thawng a thanh nain SSPP nih a cohlan lo caah atu bantuk in SAC ralkap an rak lut i kahdohnak a chuah hi a si tiah SSPP biachimnak nawl a ngeitu Lt. Major Sai Yu nih People’s Spring ah a chim.
About The Author
