Hpakan Ah A Um Mi SAC Ralkap Sakhaan 3 KIA Le PDF Nih An Lak
The Chinland Post | 2023 August 7 — Kachin ram, Hpakan khua ah a um mi SAC ralkap sakhaan 3 cu KIA le PDF phufonh nih an lak i SAC ralkap lei a thi mi an tam, hriam tampi zong an lak khawh tiah thawng theih a si.
August 7 zinglei sml 5:30am hrawng thawk in Hpakan peng, Saidaung khuate chuahnak Hpakan le Hnintamakan karlak ah a um mi SAC ralkap sakhaan cu KIA le PDF phufonh nih an kah hna i zinglei sml 8:00 am hrawng ahcun sakhaan an lak dih khawh, SAC lei thazang 100 hrawng an umnak Kataitaung sakhaan lak kahdohnak ah a nung in an tlaih mi hna an um bantuk in hriam zong tampi an lak khawh tiah theih a si.
Cun Nanhmaung sakhaan le Sezin khuate ah a um mi Tadahtei sakhaan zong zinglei ah KIA le PDF nih an lak khawh tiah theih a si.
Ref: Kachin News Group
About The Author
