Taingen Kahdohnak Ah Mipi Hriamtlai 4 An Nunnak A Liam, SAC Lei A Thi Mi An Tam
The Chinland Post | 2023 July 11 — Chin ramkulh, Tedim peng, Siyin hmunhma chung ah a um mi SAC ralkap sakhaan cu CDF phufonh nih July 11 zinglei ah an kah hna i kaphnih karlak kahdohnak a fak.
Tuni zinglei sml 5:00am in chun 12:00pm tiang kahdohnak chung ah mipi hriamtlai 5 an nunnak a liam i 2 fak tuk lo in an i hliam tiah CDM Siyin nih cathanh a chuah.
Kahdohnak chung ah SAC ralkap lei tampi an thi ve i hriam tampi zong mipi hriamtlai phufonh lei nih an lak khawh tiah an thanh.
SAC lei a thi mi an tam caah kahdohnak vanlawng 3 in bom a thlak leng ah Kalaymyo lei zong in hriamngan kah an bawmh hna tiah theih a si.
Taingen kahdohnak ah CDF CDM Siyin, PDF Zoland + B5 ME, CNDF, TCDF, KKG B7, PDA le PDF Kalay, S2 hna bawm in kahdohnak an tuah hi a si.
About The Author
