Taingen SAC Sakhan Laak Ding In Chin mipi Ralkap Nih An Kah Cuahmah
The Chinlandpost | January 13, 2024 — January 12 zanlei sang thawk in atutiang Taingen SAC sakhaan cu Chin mipi ralkap hna nih an kah cuahmah tiah theih a si.
SAC lei nih Kalay in hriampi lungkul leng an kah cang, an hriampi cu van ah a ceu mi hmuh khawh a si, hriamngan thawng a than tuk ning cu vawlei zong a kan tlirh chih viar tiah tualchung mipi sin in theih a si.
Taingen khua um SAC camp um mi hna nih mipi ralkap an si tiah lunghringh mi cu an tlaih len hna. Taingen khua hi Kalay in Falam – Hakha lei le Taingen in Tedim-Rih lei kalnak lam tonnak ah a um mi a si caah Kalaymyo in Chinram chaklei hmun paoh hmatpungtin ID le umnak minung an check cemnak hmun zong a si.
2023 July 11 zinglei kahdohnak chung ah mipi hriamtlai 5 an nunnak a liam i 2 fak tuk lo in an i hliam tiah CDM Siyin nih cathanh a rak chuah. Kahdohnak chung ah SAC ralkap lei tampi an thi ve i hriam tampi zong mipi hriamtlai phufonh lei nih an lak khawh tiah an rak thanh.
Taingen khua hi Kalay in Falam–Hakha lei le Taingen in Tedim-Rih lei kalnak lam ton umnak hmun a si. Cucaah July 1 ni in nihin ni tiang Kalaymyo in ei-din le thilri phortu motor lam cu Taingen khua in SAC nih um kal kho lo in lam an phih.
Taingen khua um SAC camp um mi hna nih mipi ralkap an si tiah lunghringh mi cu an tlaih mi a tlawn ti lo. Cucaah mipi ralkap lei nih Taingen khua mipi hna sin ah khua chuaktak rih in a himnak hmun ah um chung ding in June 30 ni ah thawngthanhnak a rak tuah. Ca thawngzamhnak a tuah hnu July 1 ni ah SAC ralkap 60 cu Kalay in Taingen khua ah an hun kai colh ve.
January 16, 2022 kum lio ah Kawl ralhrang pawl cu Kalaymyo in Chinram lei ah hmai nawr kho lo in Hiangzing khua ah an taap peng rih. Mah lio zong ah Kalay University ah hmunkhuar mi ralhrang hna nih hmunhlaat kahnak miakpi in Laitlang lei hehchet an kah. Mah lio kahdohnak ah ralhrang ruak hnih hmuh a si leng ah Meithal zuunkhat an char chap, Ralhrang meithal zuun 4 le zenkuan zeimawzat Chin ralkap hna nih an laak khawh. Ralhrang nih Jet Vanlawng in bomb an thlak ruang ah Chin ralkap hliamfaak mi lak ah ram le miphun caah nunnak a pe mi zong an rak um.
About The Author
