Tak pengkomh ah phunglut lo Myanmar rammi 20 an tlaih hna

The Chinland Post | 2022 September 16 — Thai le Myanmar ramri, Tak pengkomh, Melamet ah phunglut lo Myanmar rammi 20 leng cu an rak phorhnak hna cycle le Mawṭaw he an tlaih hna tiah AEC ASEAN thai thawngzamh ah an langhter.

Ramchung ah phungning loin a rak lutmi an um lai tiah thawng an theih caah Thai palek le khuate himnak a latu phu pawl nih ramri lam vialte an check lio September 16 zinglei ah cycle 5 in nu 6 le pa 1 an tlaih hna.

Cycle 5 a rak mawngtu pawl cu tlangcung miphun sinak ID aa putmi 4 le Thai rammi 1 an si i phungning loin a rak lutmi minung 1 ah baht 3,500 in an rak phorh hna tiah an i phuang.

Cu hna phu chungah adang mawṭaw 1 in Myanmar rammi nu 6, pa 9 zong an tlaih chih hna.

Phungning loin a rak lutmi hna cu Myanmar in Thai ah rianṭuan ding in broker (Puai-sa) nih minung pakhat ah baht 20,000 in 27,000 tiah an hal hna tiah theih a si.

Hmanthlak – 2022 June 16 ah Thai ramri ah tlaih a tongmi Myanmar rammi

Na ruahning rak langhter ve.. (Leave a comment)

%d bloggers like this: