Tamu khua sianginn chungah hmunhma a khuarmi SAC ralkap 4 an thi
The Chinland Post | 2022 April 18 – Sagaing ramthen, Tamu khua Myoma 12 sang nanphalon B.EH.S then ah hmunhma a khuarmi SAC ralkap pawl cu PDF-Tamu phukomh hna nih April 17 zaan sml 7:00pm ah an kah hna caah SAC ralkap 4 an thi tiah PDF-Tamu nih a thanh.
PDF-Tamu battalion 1 le 2 in commando phukomh hna nih an i relh lo kar ah an kah hna i Sergeant telh in ralkap 4 an thih colh hi a si tiah a thanh.
Mipi hriamtlai phu hna nih hliamhma tuar lo tein an kirtak khawh hna i sml cheu a rauh hnu ah Tamu khua lei in mizaw phor mawtaw le SAC ralkap mawtaw an phan, hriamngan/hme he kah thlorh in an kah tiah theih a si.
SAC ralkap ruak pawl cu mawtaw nih phor in zaan sml 9 hrawng ah Tamu khua chungah an kir than tiah a thanh.