Tamu pengkomh ah kahdohnak a chuak, SAC kuttang 7 an thi
The Chinland Post | 2023 January 2 – Sagaing ramṭhen, Tamu peng chung ah kahdohnak a chuak i SAC kuttang 7 an thi, hriam cheukhat kan lak khawh tiah PDF-Tamu B01 nih December 31 ah a thanh.
December 28 ah Tamu pengkomh khuathar peng chung ah hmunhma zohfelnak an ngeih lio ah SNA, Pyusawhtee le Sah-Ya-Pha phu pawl nih an rak i cit mi mawṭaw 1 he an i tong hna i kahdohnak a chuah hi a si.
Cu kahdohnak chung ah SAC kuttang 7 kan fim khawh hna tiah cathanh ah an langhter.
Anmah pawl sin in 40MM zuun 1, bom lung 14, M4-16 zuun 1, AK 47 zuun 1, M92 zuun 1, 9MM pistol zuun 1 le kuan 4, 380 pistol zuun 1 le kuan 4, kuanbawm 6, 7.62MM kuan 95 le pehtlaihnak seh 1 an lak khawh tiah theih a si.
Cu kahdohnak ah PDF-Tamu B01, Kuki National Army (KNA-Burma) le KCNDF hna an i bawm tiah theih a si.
About The Author
