Thayetchaung peng kahdohnak ah SAC ralkap 6 an thi, PDF 4 an nunnak a liam ve
The Chinland Post | 2023 January 2 – Taninthary ramṭhen, Thayetchaung peng chung ah SAC ralkap he a chuak mi kahdohnak chung ah SAC ralkap 6 an thi i 4 an i hliam tiah Ka’ Sar Doh Federal Column nih a thanh.
A luancia December 14 ah Thayetchaung peng Pedat khua ah hmunhma a khuar mi SAC ralkap le pyusawhtee 200 hrawng an umnak sakhaan cu Ka’ Sar Doh Federal Column nih an kah hna hi a si.
Kahdohnak chung ah SAC ralkap 3 an thi i 2 an i hliam, kahdohnak chung in M-16 A1 zuun 2, AK-47 zuun 1, M1 Carbine 1, Grenade lung 3 le kuan cheukhat an lak khawh tiah theihternak an tuah.
Cun December 14 ṭhiamṭhiam ah Thayetchaung in Pyidoh khua lei ah a kal mi SAC ralkap an kah ṭhan hna i 3 an thi, 2 an i hliam tiah theih a si.
December 14 ṭhiamṭhiam i Peyepu khua pawng kahdohnak ah SAC ralkap nih 60MM kuan 40 hrawng in an kah hna caah mipi hriamtlai 4 an nunnak a liam tiah an langhter.
About The Author
