Tatmadaw Nih Panglong Conference Hnatlak Pi Puai Tuah Ningcang Le U Min Ko Naing
Aung Aung| 2018 January 29| January 27, niruk ni ah Yangon khuapi i tuahmi Kumzabu 21 Panglong Conference hnatlakpinak an tuahmi ah an hmuhsakmi le tuah ningcang cheukhat cu Tatmadaw nih an lungtlinlonak kong cathanh an chuah.
88 Chanchuak nih hrihhawhmi hi kumzabu 21 panglong conference hnatlakpinak ahhin committee chungtel U Min Ko Naing nih kumtlinglo ngakchia ralkap ca i hman a sual ning kong a chimmi le cu he pehtlai in hmuhsaknak an tuahmi pawl cu Tatmadaw le tlangcung hriamtlai phu karlak ah zungzal remdaihnak ser khawhnak ding lam a hnorsuan leng ah Tatmadaw limhang a zortertu an si tiah cathanh ahcun an langhter.
Remdaihnak hmelchuah hmuhsaknak an tuahmi kha uniform hring aa hrukmi nih ngakchia kha meithal in an tinh hnanak an langhtermi he pehtlai zong in Tatmadaw nih mizapi cung ah meithal in tlerhkhawnhnak, thinphan thlalau in tuah tibantuk kan tuahmi a um lo tiah an chim. Kumzabu 21 Panglong Conference an tuahmi hi remdaihnak ca thazaang peknak a lo nain an tuah ning cang hi remdaihnak ser kan i zuammi pawl a hnorsuang khotu an si lengah U Min Ko Naing nih ngakchia pawl ralkap hman ning kong a chimmi hi thil sining hngal fiang tung loin a chim mi si tiah an cathanh chuahmi ah cun an telh.
Ref: VOA
About The Author
