Taungpyo Kahdohnak Ah Rohingya Hriamtlai Pawl Ralkap Lei An Ṭang Tiah AA Nih A Chim
The Chinland Post | 2024 February 8 — Shan ram, Bangladesh ramri um ralkap Taumgpyo (Letwei-Letya) sakhaan pawl cu AA nih an lak khawh i Rohinhya hriamtlai phu a si mi ARA, RSO chungtel pawl cu ralkap lei ṭang in kahdohnak an tuah tiah theih a si.
Cu ralkap byuha sakhaan pawl AA nih an kah lio ah SAC ralkap le Rohingya hriamtlai phu a si mi Arakhan Rohinhya Army (ARA), Rohinhya Solidarity Organization (RSO) hna an i bawm tiah an tlaih mi pawl chim mi cherhchan in AA nih a chim.
Cu Taungpyo sakhaan kahdohnak an tuah hlan ah Taungpyo (Letwei-Letya) sakhaan in BGF bawi pawl, ARA le RSO pawl cu biaruahnak an rak ngei cang i zaam a hauh ahcun an hriam pawl kha Bangladesh tangka 10Million in zuar ding le Bangladesh chung lut kho ding in ARA sin ah bawmh an hal hna tiah an ṭial.
Sakhaan lak kahdohnak chung in ralkap ruak pawl, Rohingya hriamtlai ruak pawl, hriam le kuanzen tampi an lak khawh i ARA sakhaan in ralkap pawl nih an zuar mi hriam pawl, WY rithai-sii tom 69 le Ice tom 28 an lak khawh tiah theih a si.
Kahdoh a fah lio ah (Letwei-Letya) sakhaan 2 in ralkap chungtel pawl le BGF pawl cu Bangladesh-Rakhine ramri lonh in Bangladesh ah hriam he an zaam tiah an langhter.
About The Author
