Kalaymyo Lamzawh Kum 3 Tlinnak An Tuah
The Chinland Post| February 9, 2024 —
Kalaymyo ah mipi dohthlennak hruaitu committee nih tualchung mipi he fonh in ralhrang uknak duh lo in nitin mipi lamzawh kum 3 a tlinnak cu February 8 ah an tuah tiah theih a si. Kalaymyo kiangkap khuakhat hnu khua khat ah dothlennak muicuang “THE WAY” timi mipi an zohter hna.
Ralhrang Unak Tang Ah Kalaymyo Lamzawhnak
Kalaymyo mipi lamzawhnak hi Kalay-ngandamnak zung, Sii-zung pi nih February (7) ni in CDM an rak thawk hmasa. Mipi lamzawhnak tu hi February 8, 2021 ah an rak thawk. Sii-inn Quarter chung a um mi vialte a leng ah um ter an rak si.
Kalaymyo lamzawhnak caan cu zing (8:00-8:30 Am) ah thawk a si tawn. A caan ah phu/ hnih/thum tiang then a si. Mah vialte lamzawhnak zoh tik ah “Chin Miphun Ni” Feb-20, le rampi huap CDM lamzawh ni 22, 2,2021 ( Pahnih lawngte 5 tlin) ni ah mipi lamzawh mi sing-2 hlei an si. Bogyoke lampi pe100 kau ah mipi cu vanlawng tual in Sanmyo phungki inn) tiang, mipi an khat dih. Kawl le Chin karlak ah miphun theidannak a um lo. Cozah rianṭuantu vialte, Pathian rianṭuantu , phungki le biaknak dang, University sianghngakchia, ngandamnak zung kip te funton/ṭanrualnak in nitin chun/zaan tein pongpong/chengcheng tumnak in ralkap cozah duhlonak langhter peng a si. Cun CDM lut mi hna bawmhnak phu tete zong an hun um. Mipi an tha a ṭhawng chinchin.
Kalaymyo Thlacam Bu Kip Fonh Lamzawhnak
Myanmar ram a damnak caah zarhthum chung dongcat lo in thla an cam i zarhpi ni fatin lamzawhnak an ngei kho. Mah bu ah khrihfa bu (24) hrawng an I tel kho peng i ram daihnak le remnak a chuah khawh nakhnga le Federal Democracy hmuh khawh nakhnga caah thlacamnak he lam an zawhnak a si.
About The Author
