Taze ah mipi thil a fir mi SAC ralkap bom an puah hnawh hna i 13 an thi
The Chinland Post | 2023 February 10 — Sagaing ramṭhen, Taze peng, Kanhtuma khua ah mipi ngeih mi thilri innkhat hnu innkhat lutchuak in a fir mi SAC ralkap pawl cu PDF nih bom voihnih an puah hnawh hna i SAC ralkap 13 an thi, Major telh in 3 fak pi in an i hliam tiah theih a si.
February 6 ah Kanhtuma khuate ah innkhat hnu innkhat lutchuak in mipi thilri a fir mi SAC ralkap pawl cu PDF phufonh nih bomrap an puah hnawh hna i SAC ralkap 5 an thi, 3 an i hliam.
February 7 zong ah bomrap an puah hnawh ṭhan hna i 8 an thi tiah PDF chungtel pakhat nih Khit Thit ah a chim.
SAC ralkap bom puah hnawh nak ah Shwebo pengkomh B26, MDF-Taze Tiger, KPK, PLA phufonh hna nih an tuah tiah theih a si.
About The Author
