Thaton pawng ah PDF nih voi 2 kahdohnak an tuah, SAC ralkap 4 an thi i mawṭaw 1 an hrawh khawh
The Chinland Post | 2023 February 10 — Mon ram, Thaton peng, Theinseiknay pawng, February 6 ah SAC ralkap pawl PDF phufonh nih voi 2 an va kah hna i SAC ralkap 4 an thi, SAC ralkap mawṭaw 1 an hrawh khawh tiah Hawk Revolution Squad – HRS nih a thanh.
February 6 zaan sml 8:15pm hrawng ah Thaton peng, Moekaung pura le Phepha khuate pawng ah mi ngiat ding in a ra mi SAC ralkap pawl cu timhcia tein a rak hngak mi PDF phufonh nih bomrap an puah hnawh hna, 40MM le meithal in an kah hna tiah theih a si.
SAC ralkap pawl nih an rak kah ṭhan ve hna, Winpa khua hrambunh LIB 9 zong nih hriamngan kah a bawmh hna caah kahdohnak min 50 hrawng a rau i zaan sml 9:05pm ah kahdohnak a dai tiah theih a si.
Cu ni zaan sml 10:15pm ah Thaton khua lei in Mawlamyaine-Yangon lam lei ah a rak raa mi SAC ralkap mawṭaw 1 zong PDF phufonh nih 40MM nih an kah i an mawṭaw a rawk, SAC ralkap 4 an thi tiah theih a si.
About The Author
